10:53 - 5.06.2024

---

5 iyun, Fineko/abc.az. Qərb ölkələri Ukraynaya dondurulmuş Rusiya aktivlərindən əldə olunan gəlir sayəsində ödəniləcək kredit vermək imkanını nəzərdən keçirirlər.

ABC.AZ xəbər verir ki, bu barədə ABŞ-ın maliyyə naziri Janet Yellen məlumat verib.

"Biz Ukraynaya G7 qrupdan kredit vermək imkanını, həmçinin veriləcək kreditləri ödəmək üçün [Rusiya Federasiyasının dondurulmuş aktivlərindən] qazancdan istifadə imkanlarını müzakirə edirik", - deyə o bildirib.

Yellen deyir ki, bu yanaşma xeyli dəstək alıb. Təşəbbüsün yekunlaşdırılması və qarşıdakı G7 görüşündə liderlərə təqdim edilməsi planlaşdırılır.