12:43 - 30.05.2024

---

30 may, Fineko/abc.az. Azərbaycan Mərkəzi Bankı (AMB) Dövlət Neft Fondunun iştirakı ilə valyuta hərracı keçirib.

AMB-nin məlumatına görə, mayın 30-da baş tutan valyuta hərracında bankların tələbi 110,5 milyon dollar təşkil edib və tam təmin edilib. Bu, son hərracdan 40,9 milyon dollar (58,8%) çoxdur.

Mayın 23-də keçirilən valyuta hərracında AMB banklara 69,6 milyon dollar satıb.

Hərracın yekunlarına əsasən manatın ortaçəkili məzənnəsi 1,7000 AZN/USD səviyyəsində formalaşıb.

AMB-nin məlumatında deyilir ki, nisbətən yüksək tələb, qeyri-iş günü səbəbindən hərracların cədvəl üzrə aparılmaması səbəbindən yığılmış tələblə əlaqədardır.