14:14 - 10.05.2024

---

10 may, Fineko/abc.az. Qızılın qiyməti son 3 həftənin ən yüksək səviyyəsinə yüksəlib.

ABC.AZ xarici mətbuata istinadən xəbər verir ki, qızılın bahalaşması ABŞ-da açıqlanan iqtisadi məlumatlardan sonra baş verib.

Belə ki, ABŞ Federal Ehtiyat Sistemindən (FED) faiz endirimi gözlənilməsi xəbəri qızılın qiymətini yüksəldib. Bundan sonra qızılın unsiyası həftənin son ticarət günündə 0,9% bahalaşaraq 2,368 dollara satılıb.

Qızıl qiymətləri aprelin ortalarında rekord həddən sonra sabitləşsə də, bu il 14 faiz bahalaşıb.