10:45 - 15.08.2023

---

15 avqust, Fineko/abc.az. İyulun 1-nə Azərbaycanın daxili dövlət borcu 4 milyard 970,3 milyon manat və ya 2023-cü il üzrə proqnozlaşdırılan ÜDM-in 4,5 faizini təşkil edib.

ABC.AZ Maliyyə Nazirliyinə istinadla xəbər verir ki, 2022-ci ilin sonu ilə müqayisədə daxili dövlət borcunun səviyyəsi mütləq ifadədə 782,1 milyon manat məbləğində artıb.

Daxili dövlət borcunu daxili maliyyə bazarında yerləşdirilmiş dövlət qiymətli kağızları üzrə ödənilməmiş qalıq vəsait təşkil edib. Hesabat tarixinə daxili dövlət borcunun 27,5 faizi birillik, 52,1 faizi iki və üçillik, 20,4 faizi isə beş il və daha artıq müddətli dövlət qiymətli kağızlarının payına düşür.