15:40 - 19.07.2023

---

19 iyul, Fineko/abc.az. Dünyanın ən böyük kriptavalyuta birjası “Binance”, tənzimləyici çətinliklərlə üzləşdiyi və istifadəçilər üçün sərbəst ticarət təşviqlərini azalması səbəbindən payını itirməyə başlayır.

ABC.AZ-ın xarici mətbuata istinadən məlumattına görə, sadalananlar səbəbindən “Binance” öz yerini digər platformalara verməyə başlayıb.

“Kaiko” tərəfindən tərtib edilən spot ticarət həcmi məlumatlarına görə, “Binance”in bazar payı ilin əvvəlindəki 90 faizdən iyulun ortalarında 73 faizə düşüb. Eyni dövrdə OKX-in bazar payı yanvar ayından təxminən iki dəfə artaraq 11 faizə çatıb.

“Huobi” və “Bybit” də bazar paylarını müvafiq olaraq 9 faiz və 7 faizə qədər artırdılar.