10:50 - 7.06.2022

---

7 iyun, Fineko/abc.az. Xəbər verdiyimiz kimi deputat Vüqar Bayramov dövlət büdcəsinə dəyişikliklərlə bağlı düzəlişlərin hazırlanacağını vurğulayıb.

ABC.AZ xəbər verir ki, deputat  layihənin hazırlanma mərhələsində olduğu üçün konkret dəyişikliklər ilə bağlı fikir söyləməyin mümkün olmadığını qeyd edib:

"Dəyişikliklər layihəsi Milli Məclisə təqdim olunduqdan sonra bu istiqamətdə daha konkret müzakirələr aparmaq mümkün olacaq. Bununla yanaşı, Azərbaycanda sosial təminat sisteminin daha da gücləndirilməsi ölkə rəhbərliyinin xüsusi diqqətində olduğu üçün bu istiqamətə daha çox vəsaitin ayrılacağı istisna deyil. Digər tərəfdən, iqtisadi aktivliyin daha da genişləndirilməsi üçün ayrılacaq vəsaitlərin həcminin artırlacağı da gözləniləndir. Bütövlükdə, mövcud təsdiq olunmuş büdcə sənədinə əsasən, 2022-ci ildə ilk dəfə sosial xərclərin ümumi büdcə xərclərindəki payı 45 faizdən çox olacaq”. Vüqar Bayramov hesab edir ki, büdcə xərclərinin 46.5 faizinin sosial istiqamətə yönəldilməsi sosial təminat məsələlərinin prioritet olduğundan xəbər verir: "Bu il ərzində yalnız sosial istiqamətə 14 milyard manata yaxın vəsait ayrılacağı deməkdir”.