10:16 - 13.12.2021

---

13 dekabr, Fineko/abc.az. Sinqapurun əsas banklarını birləşdirən "PayNow" sürətli ödəniş sisteminin dövriyyəsi ilin ilk on ayında ötən ilin müvafiq dövrü ilə müqayisədə təxminən 2,5 dəfə artıb.

ABC.AZ xəbər verir ki, yanvar-oktyabr aylarında 64 milyard Sinqapur dollarından çox (46,8 milyard ABŞ) əməliyyatlar həyata keçirilib.

Müqayisə üçün qeyd edək ki, 2020-ci ilin eyni dövründə əməliyyatların həcmi 25 milyard Sinqapur dolları (18,3 milyard ABŞ dolları) təşkil etmişdi.

Dövriyyəyə fiziki və hüquqi şəxslər tərəfindən həyata keçirilən əməliyyatlar daxildir.

Müəllif: Elmir Murad