12:10 - 23.09.2026

---

23 sentyabr, Fineko/abc.az. Azərbaycanda əhalinin keyfiyyətli və təhlükəsiz tibbi vasitələrlə təmin edilməsi böyük ölçüdə xaricdən həyata keçirilən farmasevtik idxaldan asılıdır. Ölkənin dərman bazarında fəaliyyət göstərən iri distribyutor və farmasevtika şirkətləri dünyanın tanınmış istehsalçıları ilə əməkdaşlıq edərək preparatların yerli aptek şəbəkələrinə və xəstəxanalara çatdırılmasını təmin edirlər. Bu sahədə aparıcı mövqeyə sahib olan Avromed Şirkətlər Qrupu uzun illərdir ki, qlobal farmasevtika gigantlarının rəsmi tərəfdaşı qismində ölkəyə minlərlə adda dərman vasitəsi gətirir. Analoji olaraq, Azəri Med QSC də geniş təchizat şəbəkəsi ilə beynəlxalq standartlara cavab verən tibbi məhsulların və preparatların idxalını fəal şəkildə reallaşdırır.

​Bazarın digər mühüm iştirakçısı olan Zeytun Pharmaceuticals MMC ölkə üzrə həm topdansatış, həm də pərakəndə aptek şəbəkəsi vasitəsilə xarici istehsalçıların dərmanlarını əhaliyə çatdırır. Bununla yanaşı, Paşa Pharma, Alliance Pharma, Dokta, Riad-Pharm və Asfarma kimi şirkətlər də Avropa, Asiya və MDB ölkələrinin aparıcı zavodları ilə müqavilələr bağlayaraq müxtəlif təyinatlı həb, ampula, vaksin və digər tibbi ləvazimatların ölkəyə gətirilməsində mühüm rol oynayırlar. Bu şirkətlərin fəaliyyəti Mərkəzi Bankın və Səhiyyə Nazirliyinin Analitik Ekspertiza Mərkəzinin nəzarəti altında, müvafiq keyfiyyət sertifikatları və dövlət qeydiyyatı əsasında tənzimlənir. İdxal olunan dərmanların logistikası, saxlanma şəraiti və təhlükəsizlik standartları həmin iri distribyutorlar tərəfindən müasir anbar komplekslərində təmin edilir.  

Müəllif: Elmir Muradov