16:13 - 23.07.2026

---

23 iyul, Fineko/abc.az. Rezidenturanı bitirən həkim-mütəxəssislərin iş yerinə təyinatı zamanı nəzərə alınan meyarların dairəsi genişləndirilir.

ABC.AZ xəbər verir ki, bununla bağlı Səhiyyə Nazirliyinin Kollegiyası müvafiq qərar qəbul edib.

Qərara əsasən, həkim-mütəxəssislərin təyinatı və iş yerinə göndərilməsi zamanı həmin şəxslərin ailə vəzifələri də nəzərə alınacaq.

Qeyd edək ki, mövcud qanunvericiliyə görə, həkim-mütəxəssislərin təyinatı haqqında qərarı onların ailə vəziyyəti, daimi yaşayış yeri və onların işə yönəldilməsi barədə klinik bazanın tövsiyəsini nəzərə almaqla qəbul olunur.