16:26 - 28.11.2024

---

28 noyabr, Fineko/abc.az. Xaricdən Türkiyəyə gətirilən saxta dollarların ümumi məbləği 1 milyard dolları keçə bilər.

ABC.AZ xəbər verir ki, bu barədə Ekonomim biznes dairələrinin qəzeti mənbələrə istinadən xəbər verir.

Bundan əvvəl Türkiyəyə qaçaqmalçılıq yolu ilə saxta əskinasların gətirildiyi, ehtimal ki, 600 milyon dollar dəyərində olduğu bildirilirdi. Onların xeyli hissəsinin 50 dollar nominal dəyəri var, bununla əlaqədar mübadilə məntəqələri və banklar bu əskinaslarla, eləcə də köhnə tipli 100 dollarlıq əskinaslarla əməliyyatları müvəqqəti dayandırıblar. Ekspertlərin məlumatına görə, saxta dollarların əsas hissəsi Türkiyəyə Suriya, İran və Balkanlardan gətirilib.

Economic-in məlumatına görə, saxta valyuta ilə ilk əməliyyat Suriya ilə həmsərhəd olan Qaziantep şəhərində həyata keçirilib, saxta dollarlar Antalya, Izmir, İstanbulda da aşkar olunub.