10:21 - 25.07.2024

---

25 iyul, Fineko/abc.az. Azərbaycanda kreditlərin ən baha olduğu regionlar açıqlanıb.

ABC.AZ Mərkəzi Bankına istinadən xəbər verir ki, ən baha kreditlərin orta faizləri Dağlıq-Şirvan iqtisadi rayonunda qeydə alınıb. Belə ki, iqtisadi rayonda kreditlər üzrə orta faiz dərəcəsi 19.31% təşkil edib.

İkinci sırada 18.94% ilə Lənkəran-Astara iqtisadi rayonu, üçüncü sırada isə 18.92% ilə Qarabağ iqtisadi rayonu dayanıb.

Yuxarıda qeyd edilən iqtisadi rayonlarda həmçinin xarici valyutadakı kreditlərdə yüksək faizlərlə cəlb edilib. Belə ki, Qarabağ iqtisadi rayonunda kreditlər xarici valyutada 8% illik ödənişlə verilib.