17:00 - 19.12.2023

---

19 dekabr, Fineko/abc.az. Bu ilin yanvar-noyabr aylarında Azərbaycan 30 409.47 ton şəkər ixrac edib ki, bu da 2022-ci ilin eyni dövrü ilə müqayisədə 31% azdır.

ABC.AZ xəbər verir ki, bu barədə Dövlət Gömrük Komitəsindən bildirilib.

Qeyd edilib ki, 2023-cü ilin 11 ayında 22 milyon 660 min ABŞ dolları dəyərində şəkər ixrac olunub ki, bu da ötən ilin müvafiq dövrünün göstəricisindən 26.5% azdır. 

Cari ilin yanvar-noyabr aylarında şəkərin ümumi ixracda xüsusi çəkisi 0.07%-ə, qeyri-neft məhsullarının ixracında olan çəkisi isə 0.75%-ə bərabər olub.