15:25 - 15.12.2023

---

15 dekabr, Fineko/abc.az. 2023-cü ildə dünya üzrə kömür hasilatının 1,8% artacağı, Hindistan, Çin və İndoneziyada davamlı artımın ABŞ və Avropa Birliyindəki tənəzzülü kompensasiya edəcəyi proqnozlaşdırılır.

ABC.AZ xəbər verir ki, bu barədə IEA Coal 2023 hesabatında yazır.

Beləliklə, 2023-cü il dünya üzrə hasilatın daha bir rekord göstəricisi olacaq.

IEA, Çinin kömür istehsalının 2023-cü ildə 1,3% artaraq 4,42 milyard tona çatacağını təxmin edir.

Proqnoza görə, 2023-cü ildə Hindistanda kömür hasilatı təxminən 11% artaraq 1 milyard tona çatacaq. İndoneziyada kömür hasilatı bu il 725 milyon tona qədər artmaqda davam edəcək və milli hədəfi üstələyəcək.

IEA, 2023-cü ildə Rusiyada kömür hasilatının 2,9% artaraq 457 milyon tona çatacağını proqnozlaşdırır.