10:14 - 7.03.2023

---

7 mart, Fineko/abc.az. Rusiyanın maliyyə nəzarəti xidməti - Rosfinmonitorinq maraqlı təklif edib.

ABC.AZ xəbər verir ki, qurum bundan sonra 100 min rubldan (indiki məzənnə ilə 1,33 min dollar edir) artıq pul köçürmələrinin yalnız bank hesabının açılması ilə mümkün olmasını təklif edib. Belə ki, təklifə əsasən, bank hesabı olmadan bu məbləğən artıq köçürmələr qadağan ediləcək.

Təklifdə məqsəd, pul axınlarına daha ciddi nəzarət, eləcə də müştərilərin daha dəqiq identifikasiya edilməsidir.

Qeyd edək ki, Rosfinmonitorinq bununla bağlı təklifi xeyli yumşaldıb. Bundan əvvəl qurum 60 min rubldan artıq ödənişlər üçün bank hesabının açılmasını tələb edirdi.