12:36 - 19.01.2023

---

19 yanvar, Fineko/abc.az. Azərbaycan Mərkəzi Bankı (AMB) Dövlət Neft Fondunun iştirakı ilə valyuta hərracı keçirib.

AMB-nin məlumatına görə, 19 yanvar 2023-cü il valyuta hərracında 1,5 milyon dollar satılıb.

"Valyuta hərracında bankların tələbi 1,5 milyon dollar təşkil edib və tam təmin edilib", - AMB-nin məlumatında deyilir.

Hərracın yekunlarına əsasən manatın ortaçəkili məzənnəsi 1,7000 AZN / USD səviyyəsində formalaşıb.

Yanvarın 17-də keçirilən hərracda Mərkəzi Bank banklara 18,7 milyon dollar məbləğində valyuta satıb.