16:33 - 22.12.2021

---

22 dekabr, Fineko/abc.az. Bu il Azərbaycanda 61,5 min unsiya qızıl hasil edilib.

ABC.AZ xəbər verir ki, bunu jurnalistlərə açıqlamasında "AzerGold" QSC-nin İdarə Heyətinin sədri Zakir İbrahimov deyib.

O qeyd edib ki, bu da ötən illə müqayisədə 2% çoxdur.

Onun sözlərinə görə, gümüş hasilatına gəlincə, yanvar-dekabr ayları ərzində 135 min unsiyadan çox gümüş hasil edilib ki, bu da ötən illə müqayisədə 11% çoxdur.

Z.İbrahimov vurğulayıb ki, cari ilin əvvəlində vergi və gömrük qanunvericiliklərinə edilən dəyişikliklər fonunda daxili bazarda qızıl və gümüş məhsullarına tələbat kəskin artıb.