11:43 - 10.12.2021
10 dekabr, Fineko/abc.az. 2021-ci ilin 11 ayında İqtisadiyyat Nazirliyi yanında Dövlət Vergi Xidmətinin xəttilə dövlət büdcəsinə 7 milyard 961,8 milyon manat vergi daxil olub, proqnoza 21 % əməl edilib.
Bu isə ötən dövr ilə müqayisədə 15,7 % və ya təqribən 1,1 milyard manat artıb.
ABC.AZ xəbər verir ki, cari ilin 11 ayında qeyri-neft-qaz sektorundan daxilolmalar 5 milyard 870,1 milyon manat olub, proqnoza 14,8 % əməl edilib.
Dövlət büdcəsinə proqnozdan əlavə 756,1 milyon manat daxil olub. Bu da ötən ilin müvafiq dövrü ilə müqayisədə 13,5 % və ya 697,3 milyon manat artıb.
Qeyri-neft-qaz sektorunun özəl bölməsi üzrə vergi daxilolmaları əvvəlki ilin eyni dövrü ilə müqayisədə 19,6 % artaraq 4 milyard 439,5 milyon manat təşkil edib. Regionlar üzrə daxilolmalar 866,6 milyon manat olmaqla, proqnoz 14,3% icra edilib, ötən illə müqayisədə 9,3 % artıb.
Ödənilən vergilərin 73,7 %-i qeyri-neft-qaz sektorunun, 26,3 %-i neft-qaz sektorunun payına düşüb.
