10:38 - 10.08.2021

---

10 avqust, Fineko/abc.az. ABŞ-ın “Pfizer” şirkəti ilə birlikdə koronavirusa qarşı “Comirnaty” vaksinini hazırlamış Almaniyanın “BioNTech” şirkəti 2021-ci ildə preparat satışından 15,9 milyard avro qazanmağı planlaşdırır.

TASS agentliyinə istinadən xəbər verilir ki, bu barədə şirkətin maliyyə hesabatında deyilir.

İyulun 21-nə olan məlumata görə, “BioNTech”-“Pfizer” konsorsiumu 100-dən çox ölkə və əraziyə 1 milyard dozadan çox vaksin göndərib. Ümumilikdə, konsorsium ilin sonunadək 3 milyard doza, 2022-ci ildə isə 4 milyard doza vaksin tədarük etməyi planlaşdırır.

“BioNTech”-“Pfizer” konsorsiumunun hazırladığı preparat artıq Avropa Dərman Agentliyi, Avropa Komissiyası tərəfindən tövsiyə olunub.

Report.az