16:08 - 1.05.2024

---

1 may, Fineko/abc.az. Bu ilin yanvarın 1-nə olan statistikaya görə, əhalinin əmanətlərinin 82-83%-i Azərbaycan banklarına 1 illik müddətinə yerləşdirilib. 

ABC.AZ xəbər verir ki, bunu Mərkəzi Bankın sədri Taleh Kazımov uçot dərəcəsinin elan olunması ilə bağlı keçirilmiş mətbuat konfransında bildirib.

"İnsanları daha uzunmüddətli əmanət yerləşdirməsini stimullaşdırmaq üçün Mərkəzi Bank əhalinin əmanətlərindən əldə etdiyi gəlirin 10% dərəcə ilə vergiyə cəlb edilməsini təklif edib", - deyə  Taleh Kazımov bildirib. 

Onun sözlərinə görə, əhalinin əmanətlərindən əldə etdiyi gəlirin vergiyə cəlb edilməsi həmçinin həmin ölkəninn inkişafı ilə bağlıdır.