Azərbaycan bankları valyuta hərracına tələbatı 14% artırıb

12:41 - 30.11.2023

30 noyabr, Fineko/abc.az.Azərbaycan Mərkəzi Bankı (AMB) Dövlət Neft Fondunun iştirakı ilə valyuta hərracı keçirib.

AMB-nin məlumatına görə, noyabrın 30-da valyuta hərracında bankların tələbi $77,8 mln təşkil edib və tam təmin edilib. Bu, ötən hərracdan $9,6 mln və ya 14% çoxdur.

Hərracın yekunlarına əsasən manatın ortaçəkili məzənnəsi 1,7000 AZN/USD səviyyəsində formalaşıb.

Noyabrın 28-də valyuta hərracında Mərkəzi Bank banklara $68,2 mln satıb.