10:53 - 12.09.2023

---

12 sentyabr, Fineko/abc.az. Dünyanın ən böyük texnologiya şirkətlərindən biri olan “Microsoft”, səhiyyə sənayesi üçün əhəmiyyətli bir addım atıb.

ABC.AZ xəbər verir ki, “Microsoft” rəqəmsal patoloji şirkəti olan “Paige” ilə əməkdaşlıq edərək xərçəngin diaqnozunu qoya bilən süni intellekt hazırlamağı planlaşdırır.

Patologiya sahəsində uğurları ilə tanınan “Paige” “Microsoft”un qabaqcıl bulud hesablama infrastrukturundan istifadə edərək rəqəmsal patologiya və onkologiya üçün təsvirə əsaslanan süni intellekt modeli hazırlayacaq. Uğurlu olarsa, xərçəng diaqnozu üçün mühüm addım atılacaq.

“Paige” və “Microsoft” tərəfindən süni intellektlə bağlı planlaşdırılan bu layihə müvəffəqiyyət qazandıqdan sonra səhiyyə sənayesində inqilab edəcək.