11:23 - 22.05.2023

---

22 may, Fineko/abc.az.  Azərbaycanda fəaliyyət göstərən 25 bankdan 2-nin bu ilin I rübündəki faiz xərcləri ötən ilin eyni dövrü ilə müqayisədə az olub.

ABC.AZ “Renkinq”-ə istinadla xəbər verir ki, bunlar “Bank VTB Azərbaycan” ASC və İran Milli Bankının Bakı filialıdır.

Ən çox azalma İran bankında (100%), ən az azalma isə “Bank VTB Azərbaycan”da (1,8%) qeydə alınıb.

Qalan 23 bankın isə faiz xərcləri artıb. Ən yüksək dinamika “Azər-Türk Bank” ASC-də (2,2 dəfə), ən aşağı dinamika isə “Premium Bank” ASC-də (2,3%) qeydə alınıb.